Əsas » 2010 » Avqust » 18 » BALAXANIDA NEFT SƏNAYESİNİN İNKİŞAFI
21.00.36
BALAXANIDA NEFT SƏNAYESİNİN İNKİŞAFI
Hələ orta əsr
tarixçilərinin əsərlərində "Nafta” adı ilə xatırlanan yanar maye,
Abşeron torpağının, Azərbaycanının adını dünyaya tanıtmışdır. Dünya
neftin beşiyi ”Neft Akademiyası” kimi tanınan Abşeron yarımadası eləcə
də Balaxanı qəsəbəsi öz sürətli inkişafına görə neftə borcludur. 1594-cü ildə Balaxanı kənd sakini Allahyar Məmməd Nuri öz həyətində əl
ilə dərinliyi 2 metr olan quyu qazmış və bu quyudan neft çıxmışdır. 1825-ci ildə Balaxanıda əl quyularından neft çıxarılırdı. Rusiyada ilk
dəfə neft quyusu maşınla 1869-cu ildə Balaxanıda qazılmışdır .Bu quyu
qazılarkən 64 metrlikdən qaz fantan vurmuşdur. Bundan dəhşətə gələn
yerli kapitalist Mirzəyev qardaşları quyunu bağlatmışdılar. Sonra
1871-ci ilin iyun ayında yenə də Balaxanıda Mirzəyev qardaşlarının
keçmiş neft firması tərəfindən mexaniki üsulla ilk neft quyusu qazılmış
, 45 metrə çatan kimi quyudan gündə 700 pud neft verməyə başlamışdır.
Əvvəllər həmin quyudan gündə 700 pud sonralar isə 2000 pud neft
çıxarılmışdır.
