Hər daşında kərpicində tariximizin müxtəlif dövrlərinin izi ,nişanəsi qalan memarlıq abidələrimizin səsi sorağı zaman-zaman uzaq-uzaq diyarlara çatıb. Dünyaıin bir çox səyyahları tədqiqatçıları bu sənət incilərini görməyə can atıblar. Balaxanıda qərinələrin ,minilliklərin yadigarı olan 4 memarlıq abidələri vardır. Birinci 1385-ci ildə usta Arif tərəfindən inşa edilmiş Hacı Şəlalə abidəsidir .Bu abidə kvadrat şəkilli tağ-tavanlı kiçik otaqdan və onun qarşısındakı dərin piştağdan ibarətdir. İkinci 1427-ci ildə tikilmiş Şarirağa türbəsi memarlıq baxımından Balaxanı abidələrinin ən qiymətlisi hesab olunur . Xalq arasında İmarət adlandırılan bu bina ehtimala görə mehmanxana olmuşdur. Abidənin maraqlı kompozisiyası var. O, günbəzlə salondan və fasaddakı çıxıntılı promoldan ibarətdir. Hər iki bina Abşeron binaları üçün xarakterik olan yonulmuş daşdan tikilmişdir. Üçüncü abidə 1636-cı ildə tikilmiş "Karvansara” binasıdır. Dördüncü abidə 17-ci əsrdə tikilmiş ovdandır.